L’8 luglio 1943 veniva l’ordine di consegnare all’apposito ufficio alcune delle campane più grosse di ogni campanile. Anche Castenedolo consegnò le due più grosse, chiamate Bartolomeo e Maria detta anche Pia.
Maria Lombardi detta Maria Dèbé, una brava figliola del popolo, interpretò la passione della cittadinanza con questa poesia sgorgatale dal cuore senza tanto badare alle regole della metrica che certo non aveva mai studiato.
LE NOSTE DÒ GROSSE CAMPANE DESTINADE A FA LA GUERA
Per l’öltema olta Bortol è Pia
lè ga sunat l’Ave Maria
ai ót de loi dél quarantatré
lé dò grose campane le gha finit i sò de.
Presenti maestri, tanc zuégn,
en gran tante fomne, én bordél dé sciécc
girando la grù col sò curdù
la gha destacat campana e campanù.
Sto data memoranda la sarà marcada
né mai piò désmentégada
e chéste robe anché i nos sciécc
i recordarà fin quant i sarà écc.
Care campane ché sunaéf issé bé
quant leaa el sul e tramontaa el dé
sunaéf semper nei bei de dé festa
e quant en ciel minaciaa la tempesta.
Care campane che ghi sunat issé bé
el de dé Pasqua sol bél mesdé
come en pianto dé désolasiù
ghi dat él saluto a la popolasiù!
Care campane, ché ma recorda tanc laur,
e ma résveglia en ment, lé robé del Signur
chi mai gharés pénsat,
che a fa la guera i varés ciamat? …
Ma vegnarà on de, prést o lontà,
che turnarà i fiöi ai sò bùbà;
turnarà i soldacc a le sò case
en més a le contrade désolade
ön sùnà alegher partirà dal campanil
dele campane on sunà sitil
él sunà dele tré campane picinine
restade a testimonià tante ruine.
Castenedolo, 10 luglio 1943 MARIA LOMBARDI (detta Dèbé)